“Tibbi Ərazi Bölmələrinin İdarəetmə Birliyi” publik hüquqi şəxsin (TƏBİB) strukturunda dəyişiklik aparılıb.

Oxu.Az xəbər verir ki, bununla bağlı İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev əmr imzalayıb.

Əmrə əsasən, Aparat rəhbəri ştatı ləğv edilib.

Qeyd edək ki, sözügedən ştatın ləğv edilməsi ilə aparat rəhbəri olan Gündüz Əbdülov da vəzifəsindən azad edilib.