Gənclər və İdman Nazirliyinin inzibati binasında saat 12:00-da başlayacaq seçkidə qurumun prezidenti seçiləcək.

Qeyd edək ki, Stolüstü Tennis Federasiyasının hazırkı prezidenti Baş nazirin müavini, 2008-2019-cu illərdə iqtisadiyyat naziri olmuş Şahin Mustafayevdir. O, 2013-cü ildən bu federasiyaya rəhbərlik edir. Ona qədər isə bu postda prezident 2008-2013-cü illərdə keçmiş kənd təsərrüfatı naziri, Baş nazirin sabiq müavini İsmət Abbasov olub.

Xatırladaq ki, Fərid Qayıbovun gənclər və idman naziri təyin olunmasından sonra federasiyalarda Hesabat-Seçki Konfransları keçirilir.