Zərdab Rayon Polis Şöbəsinin əməkdaşları tərəfindən koronavirus pandemiyasının kütləvi yayılmasının qarşısının alınması məqsədilə tətbiq edilən xüsusi karantin rejimi ilə əlaqədar rayon ərazisində mütəmadi nəzarət-profilaktik tədbirlər keçirilir.
DİN-in Mətbuat Xidmətinin Bərdə regional qrupundan verilən məlumata görə, Zərdab RPŞ-nin əməkdaşlarının qapalı məkanlarda keçirdiyi növbəti belə tədbirlər zamanı alıcı və satıcılar arasında qayda pozuntusu hallarına rast gəlinib. Rast gəlinən qayda pozuntularının aradan qaldırılması üçün profilaktiki səpkidə söhbətlər aparılıb. Sosial məsafənin gözlənilməsi, tənəffüs yollarını qoruyan fərdi vasitələrdən istifadənin vacibliyi, yaxud düzgün istifadənin zəruriliyi barədə tövsiyələr verilib. Qaydalara əməl etməyən bir neçə nəfərə isə intizam tənbeh tədbirləri tətbiq edilib.