11 iyun 2021-ci il tarixində İsmayıllı Rayon İcra Hakimiyyətinin və Azərbaycan Respublikası Ekologiya və Təbii Sərvətlər Nazirliyinin birgə təşkilatçılığı ilə Şahdağ Milli Parkının İsmayıllı bölməsində yanğın təhlükəsizlik qaydaları və yanğın baş verdikdə çevik, operativ müdaxilə edilməsi məqsədilə FHN Dövlət Yanğından Mühafizə Xidmətinin İsmayıllı rayon Yanğından Mühafizə Hissəsinin əməkdaşları ilə birlikdə təlim keçirilib.

Məlum olduğu kimi yay aylarında çoxlu sayda insanlar, eyni zamanda rayona digər yerlərdən istirahətə gələn turistlər meşə ərazilərinə daxil olaraq burada istirahət edirlər. Həmin insanların bəzən diqqətsizliyi nəticəsində təbiət ərazilərində yanğın halları baş verə bilər. Odur ki, əlaqədar qurumların, eyni zamanda Şahdağ Milli Parkının nümayəndələrinin bu məsələlərə ciddi nəzarət etməsi vacibdir. Tədbirdə yanğın mühafizəsi işçiləri tərəfindən baş verə biləcək yanğın halların çevik və operativ surətdə aradan qaldırılması yolları əyani surətdə nümayiş etdirilib. Təbiət ərazilərinin yanğın hadisələrindən etibarlı mühafizə olunması üçün müvafiq qurumların, ictimayyət fəallarının əhali arasında mütəmadi olaraq maarifləndirmə tədbirləri aparılmasının vacibliyi qeyd olunub.

Tədbirdə Ekologiya və Təbii Sərvətlər nazirinin müavini Vüqar Kərimov, İsmayıllı Rayon İcra Hakimiyyəti başçısının müavini Mahmud Süleymanov, Ekologiya və Təbii Sərvətlər Nazirliyi Bioloji Müxtəlifliyin Qorunması Xidmətinin rəisi Firuddin Əliyev də iştirak edib.