Havanın temperaturu kəskin dəyişəcək- XƏBƏRDARLIQ » XeberlerAgentliyi.com
29/10/2010 | Əlaqə
» » Havanın temperaturu kəskin dəyişəcək- XƏBƏRDARLIQ

Havanın temperaturu kəskin dəyişəcək- XƏBƏRDARLIQ

Müəllif: cavidan
//
22 May 2020
//
//



Havanın temperaturu kəskin dəyişəcək- XƏBƏRDARLIQ
Mayın 23-ü gündüzdən 24-ü axşamadək Bakıda və Abşeron yarımadasında havanın qeyri-sabit keçəcəyi, şimal-qərb küləyinin 19-24 m/s, arabir 28-33 m/s-dək güclənəcəyi, 23-ü axşam və 24-nə keçən gecə yarımadanın bəzi yerlərində arabir 35-38 m/s-dək şiddətlənəcəyi gözlənilir.


Bu barədə Milli Hidrometeorologiya Xidmətindən məlumat verilib.


Havanın temperaturu mayın 24-də ötən günlərlə müqayisədə 8-10 dərəcə aşağı enəcək.


Azərbaycanın rayonlarında mayın 23-ü gündüzdən 25-i gündüzədək havanın qeyri-sabit keçəcəyi, şimşək çaxacağı, arabir yağış yağacağı, bəzi yerlərdə leysan xarakterli intensiv, şimal və qərb rayonlarında güclü olacağı, dolu düşəcəyi gözlənilir.


Qərb küləyinin 15-20 m/s, arabir 23-28 m/s-dək güclənəcəyi, mayın 23-də ayrı-ayrı yerlərdə arabir 33-38 m/s-dək şiddətlənəcəyi gözlənilir. Havanın temperaturu mayın 24-də ötən günlərlə müqayisədə 8-10 dərəcə aşağı enəcək.


Çaylarda sululuğun artacağı, Böyük və Kiçik Qafqazın bəzi çaylarından qısamüddətli daşqın və sel keçəcəyi ehtimal olunur.
Xəbər Lenti Giriş Populyar Reklam