Noyabrın 10-da Yer kürəsində orta səviyyəli maqnit qasırğası baş verəcək.
Bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiya Laboratoriyasının "Telegram" kanalında məlumat verilib.
Səhər saatlarında müşahidə edilməsi gözlənilən fırtına G2 səviyyəsində ola bilər.
Həmçinin 11 noyabr axşamı Günəşdə partlayış baş verəcəyi də proqnozlaşdırılır.
"Geomaqnit proqnozu hələ formalaşmayıb, lakin bu ssenari üzrə yenidən G2 və ya maksimum G3 səviyyəsində maqnit qasırğası ola bilər", - deyə laboratoriyadan bildirilib.