Tədbiri giriş sözü ilə açan direktor Vidadi Rəhimov bildirib ki, müsəlman aləminin müqəddəs ayı sayılan Ramazan ayındayıq. Eyni zamanda bu il Novruz bayramı bu aya təsadüf edib və biz Novruz bayramından bir neçə gün sonra Ramazan bayramını qeyd edəcəyik. Direktor hər iki bayram münasibətlə kollektiv üzvlərini təbrik edib, tutulan orucların, edilən duaların qəbul olmasını, hər kəsə sağlam ömür, bol ruzi, gözəl bayram əhval-ruhiyyəsi, xalqımıza, dövlətimizə əminamanlıq, firavanlıq arzulayıb, bildirib ki, Novruz bayramı hamımıza uğurlu, düşərli olsun.
Direktor Vidadi Rəhimov xəstəxanada həftədə 5 günlük və 6 günlük işləyənlərin qeyri-iş, iş günləri haqqında məlumat verib, eyni zamanda şöbələrin, xüsusən Təcili Təxirəsalınmaz Tibbi Yardım bölməsinin gücləndirilmiş iş rejimində çalışacağını kollektivin nəzərinə çatdırıb və bu məqsədlə keyfiyyətli və əlçatan tibbi xidmətin göstərilməsinə, xəstə məmnunluğunun təmin edilməsinə, tibbi ləvazimatların, dərman sərfiyyatının təmin olunması dair şöbə müdirlərinə, aptek bölmə müdirinə və böyük tibb bacılarına lazımi tövsiyyə və tapşırıqlarını verib.
Tədbirin sonunda həkimlər və digər iştirakçılar da bayramlar münasibətilə öz ürək sözlərini bildirib.
Həmçinin kollektivimiz İsmayıllı şəhər mərkəzində Novruz bayramı münasibətilə keçirilən ümumrayon tədbirində iştirak edib.