Gürcüstanda epidemioloji vəziyyət kritik həddə yaxındır.

“Sputnik” Gürcüstan xəbər verir ki, bu açıqlama ilə Gürcüstanın Xəstəliklərə Nəzarət və İctimai Sağlamlıq Milli Mərkəzinin rəhbəri, Amiran Qamkrelidze çıxış edib.

Onun sözlərinə görə, epidemioloji vəziyyətin pisləşməsi müəyyən edilmiş qayda və tövsiyələrə riayət olunmaması ilə əlaqəlidir.

A. Qamkrelidze həmçinin əlavə edib ki, aktiv xəstələrin sayı artır, bu isə öz növbəsində səhiyyə sektorunun yüklənməsi ilə nəticələnib.