www.xeberleragentliyi.com > Xəbərin çapa verilməsi> ADAU-nun bir qrup tələbəsi Gəncə "ASAN xidmət" mərkəzində təcrübə keçir
Ana səhifə > Arxiv, Təhsil > ADAU-nun bir qrup tələbəsi Gəncə "ASAN xidmət" mərkəzində təcrübə keçir

XƏBƏRİ ÇAPA VERMƏK ÜÇÜN CTRL+P DÜYMƏLƏİNİ BİRLİKDƏ SIXIN!!!


ADAU-nun bir qrup tələbəsi Gəncə "ASAN xidmət" mərkəzində təcrübə keçir


16-05-2018, 16:58. Müəllif: Gulnare
ADAU-nun bir qrup tələbəsi Gəncə "ASAN xidmət" mərkəzində təcrübə keçir


Azərbaycan Dövlət Aqrar Universitetində (ADAU) tələbələrin praktik bilik və bacarıqlarının inkişaf etdirilməsi əsas hədəflərdən biridir.

Xeberleragentliyi.com xeber verir ki, Təhsil standartlarının tələblərinə uyğun olaraq, cari tədris ilindən etibarən buraxılış kurs tələbələri üçün tədris və istehsalat təcrübələri təşkil olunur. Hazırda tələbələr respublikanın aparıcı və innovasiyalı müəssisələrində təcrübə keçməklə, praktik bilik və bacarıqlarını möhkəmləndirir, təcrübə obyektlərində əmək bazarına hazırlıq mərhələsini keçirlər. İstehsalat təcrübəsi üçün seçilmiş obyeklərdən biri də Gəncə "ASAN xidmət" mərkəzidir. Hazırda universitetin “informasiya texnologiyaları və sistemləri mühəndisliyi”, “dünya iqtisadiyyatı”, “iqtisadiyyat”, “menecment”, “biznesin idarə olunması”, “mühasibat uçotu və audit” ixtisaslarında təhsil alan 27 tələbəsi qeyd olunan mərkəzdə müvəffəqiyyətlə təcrübə keçir. Tələbələr təcrübə üçün yaradılmış şəraitdən, ümumiyyətlə operativlik, şəffaflıq, nəzakətlilik, məsuliyyət və rahatlıq prinsiplərinə riayət edilməsindən məmnunluqlarını, burada vətəndaşlarla ünsiyyət, mükəmməl xidmətin əsas amilləri, sənədlərlə iş, elektron xidmətlərdən istifadə sahəsində böyük təcrübələr əldə etdiklərini bildirirlər.
Geri qayıt