Ana səhifə > Arxiv, Texnologiya > Dünyanı real zamanda izləmək üçün orbital şəbəkə yaradılır

XƏBƏRİ ÇAPA VERMƏK ÜÇÜN CTRL+P DÜYMƏLƏİNİ BİRLİKDƏ SIXIN!!!


Dünyanı real zamanda izləmək üçün orbital şəbəkə yaradılır


25-04-2018, 23:11. Müəllif: Gulnare
Dünyanı real zamanda izləmək üçün orbital şəbəkə yaradılır

"EarthNow" şirkəti orbitdən dünyanın istənilən nöqtəsinin şəklini çəkmək və saniyələr ərzində onun videosunu təqdim etmək imkanına malik olacaq. Planetin hər yerində real zamanda nə baş verdiyini faktiki izləmək mümkün olacaq.

Şirkət nümayəndələrinin bildirdiyinə görə, vəsaitlər real zamanda Yer kürəsini müşahidə etmək üçün innovativ və unikal xidmət təminatı üzrə sistemin layihəsinin təkmilləşdirilməsinə yönəldilib.

Xeberleragentliyi.com AZƏRTAC-a istinadən bildirir ki, Qreq Vaylerin "OneWeb" şirkəti artıq siqnalın ötürülməsi zamanı son dərəcə aşağı ləngiməyə malik peykləri kosmosa buraxıb. Onun hədəfi isə artıq 2020-ci ilə genişzolaqlı formatda peyklərin tam şəbəkəsinin yaradılmasıdır. "EarthNow" şirkəti "OneWeb"in texnologiyasının təkmilləşdirilmiş versiyasından istifadə edəcək.

Ekspertlərin qiymətləndirməsinə əsasən, sistemin ümumi dəyəri təxminən bir milyard dollar təşkil edəcək. Şirkətin əsas məqsədi öz xidmətlərini dövlətlərə və əyləncə xidmətləri sahəsində ixtisaslaşan şirkətlərə təqdim etməkdir.

Şirkət, həmçinin sistemin digər imkanlarını da nəzərdən keçirir.
Geri qayıt