Ana səhifə > Arxiv / Son Xəbərlər / Siyasət > Gülər Əhmədova sayt açmasından danışdı

XƏBƏRİ ÇAPA VERMƏK ÜÇÜN CTRL+P DÜYMƏLƏİNİ BİRLİKDƏ SIXIN!!!


Gülər Əhmədova sayt açmasından danışdı


31-01-2013, 18:22. Müəllif: Kürsüm
Gülər Əhmədova sayt açmasından danışdı

Sabiq millət vəkili Gülər Əhmədova yeni sayt açması barədə mətbuatda yayılan xəbərlərə münasibət bildirib.



Bu barədə APA-ya açıqlama verən G. Əhmədova qeyd edib ki, bu barədə yayılan informasiyalar tamamilə yalandır: “Zamanında mənim qəzetim də, saytım da olub. İstəsəydim, elə onların fəaliyyətini davam etdirərdim. Yeni sayt açmağa nə gərək var idi ki?”


G. Əhmədova bildirib ki, yeni yaradılan “jur.az” saytının onunla heç bir bağlılığı yoxdur, müəyyən qüvvələr bu kimi məlumatların yayılmasında maraqlıdır: “Mən bunu özümə qarşı təxribat kimi qiymətləndirəm. Belə xəbərlərin yayılmasında məqsəd mənimlə bağlı aparılan istintaqı yanlış istiqamətə yönəltməkdir. Mən həqiqətdən uzaq olan bu məlumatları yayan insanlara səslənirəm: Bu qədər şərəfsizlik etmək olmaz! Bir daha deyirəm ki, o saytın mənə heç bir aidiyyəti yoxdur. Bildiyimə görə, həmin saytı vaxtilə mənim rəhbəri olduğum “Mərkəz” qəzetində çalışmış Coşqun Əliyev açır. Bunun mənə nə aidiyyəti ola bilər? Adam vaxtı ilə mənimlə işləyib, indi gedib özünə sayt açıb. Bundan mənə nə?”


Yeni yaradılacaq “jur.az” saytının təsisçisi və redaktoru C. Əliyev də xeberleragentliyi.com açıqlamasında həmin məlumatları təkzib edib: “Təsisçisi olduğum “jur.az” saytının Gülər Əhmədova ilə heç bir bağlılığı yoxdur. Bu mənim və mənimlə birgə çalışacaq bir qrup gəncin şəxsi təşəbbüsüdür. Bəzi həmkarlarımın bunu niyə belə qısqanclıqla qarşıladığını isə başa düşə bilmirəm”.


Qeyd edək ki, artıq bir neçə gündür ki, mətbuatda G. Əhmədovanın yeni sayt açması barədə məlumatlar yayılıb.

Geri qayıt