Azərbaycan Respublikasının I vitse-prezidenti Mehriban Əliyeva yeni dərs ilinin başlanması münasibətilə şagird və tələbələri təbrik edib.
Xeberleragentliyi.com məlumatına görə, Mehriban xanımın sosial şəbəkədəki səhifəsində yerləşdirilən təbrikdə deyilir:
“Əziz məktəblilər və tələbələr!
⠀
Sizi yeni dərs ilinin başlanması münasibətilə təbrik edirəm! Ümid edirəm ki, yüksək nəticə əldə etmək və əla qiymətlər almaq, bilikli, savadlı şəxs və Azərbaycanın layiqli vətəndaşı olmaq üçün əlinizdən gələni əsirgəməyəcəksiniz. Hər birinizə möhkəm cansağlığı, gümrahlıq, zehin açıqlığı, əzmkarlıq və öyrənmək həvəsi arzulayıram! Bilik Gününüz mübarək!”