İnternat məktəblərində yeməkxanalar çalışacaq, digər məktəblərdə isə yox.
Bu sözləri Təhsil nazirinin müşaviri Rüstəm Ağayev Nazirlər Kabinetinin “Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları”nın şərhi ilə bağlı Təhsil Nazirliyinin “Facebook” səhifəsində keçirilən onlayn mətbuat konfransında deyib.
O bildirib ki, sanitariya normalarına uyğun olaraq internatda təhsil alan şagirdlərin yeməkləri veriləcək:
“Yeməkxanalar işləyəcək. Masalar bir-birindən ən azı 1,5 metr aralı məsafədə yerləşdiriləcək. Gigiyena normalarına ciddi riayət ediləcək. Orta məktəblərdə yeməkxanaların açılması isə gözlənilmir”.