10 iyul 2020 -ci il tarixdə Yardımlı Rayon Təhsil Şöbəsinin məktəb direktorlarının və direktor müavinlərinin iştirakı ilə”2019-2020-ci tədris ilinin yekunu və növbəti tədris ilinə hazırlıq” mövzusunda virtual konfransı keçirilmişdir. Konfransda RTŞ-nin müdiri Manaf Səmədzadə koronavirus pandemiyasının yaratdığı mövcud problemlərdən, təhsilə və gündəlik həyatımıza təsirindən danışmış bu problemlərdən çıxmaq üçün müəllimlərin və məktəb rəhbərlərinin çevik və nümunəvi addımlar atmağı tövsiyyə etmişdir.Həmçinin oda vurğulanmışdır ki,Cənab Prezident İlham Əliyevin qeyd etdiyi kimi vətəndaşların sağlamlığı mənimçün hər şeydən önəmlidir fikrinə biz ziyalılarda işimiz və əməlimizlə dəstək durmalıyıq.
“Virtual məktəb” layihəsinin və teledərslərin vacibliyi diqqətə çatdırılmışdır.Keçən tədris ilində görülmüş işlər sadalanmış və növbəti tədris ili üçün tapşırıqlar verilmişdir.
Konfransda RTŞ-nin məsləhətçisi Pənah Tağıyev 9,11 -ci sinif şagirdlərinə attestatların verilmə qaydası haqqında yenilikləri izah etmişdir.Məktəb direktorlarından Bozayran kənd tam orta məktəbin direktoru Seymur Hüseynov,Mamulğan kənd ümumi orta məktəbin direktoru Bəbir Xudiyev,Osnakəran kənd tam orta məktəbin direktoru Tofiq Teyyubov çıxış etmişlər.Sonda məktəb rəhbərlərinin sualları cavablandırılmışdır.
