Əhalinin sağlamlığının, təhlükəsizliyinin təmin olunması məqsədilə Bakı Metropolitenində qatarların hərəkəti 31 mart 2020-ci il saat 22:00-dan 20 aprel 2020-ci il tarixinədək dayandırılıb.Nazirlər Kabinetinin qərarı ilə fəaliyyətini dayandıran Bakı Metropoliteni 2 gün sonra fəaliyyətini bərpa etməlidir.
Bakı Metropoliteninin sözçüsü Bəxtiyar Məmmədov bildirir ki, hazırda metronun 2 gün sonra fəaliyyətini bərpa etməsi sual altındadır.
“O səlahiyyət Nazirlər Kabinetindədir. Operativ Qərargah hansı qərarı versə, biz ona əməl edəcəyik. Hələ ki, bununla bağlı bizə hər hansı tapşırıq verilməyib”, – deyə Bəxtiyar Məmmədov bildirib.
Lakin xüsusi karantin rejiminin uzadılacağı təqdirdə metronun fəaliyyəti hələ bir müddət də mümkünsüz kimi görünür. //Qazet.az