Növbəti səyyar-qəbul görüş Bayandurlu kəndində oldu » XeberlerAgentliyi.com
29/10/2010 | Əlaqə
» » Növbəti səyyar-qəbul görüş Bayandurlu kəndində oldu

Növbəti səyyar-qəbul görüş Bayandurlu kəndində oldu

Müəllif: Gulnare
//
21 Aralık 2018
//
//

Növbəti səyyar-qəbul görüş Bayandurlu kəndində oldu
Tərtər Rayon İcra Hakimiyyəti Başçısının növbəti səyyar qəbul-görüşü Kəbirli kənd İƏD üzrə nümayəndəliyin Bayandurlu kəndində oldu.

Qəbulda rayon icra hakimiyyətinin, hüquq-mühafizə orqanlarının, səhiyyə, təhsil, mədəniyyət, digər xidmət təşkilatlarının rəhbərləri, ərazi icra nümayəndələri, bələdiyyə sədrləri və kənd sakinləri iştirak ediblər.

Əvvəlcə Kəbirli kənd İƏD üzrə nümayəndə Azər Yaqubzadə kəndin sosial-iqtisadi inkişafı, əhalisi, onların məşğuliyyəti, görülən işlər barədə məlumat verib, kənddə mövcud olan sosial obyektlərin vəziyyətindən danışdı.

Sonra vətəndaşların müraciətləri dinlənilib. Sakinlərdən Xanlar Məmmədov, Süleyman Hacıyev, Polad Məmmədov, Əhliman Hüseynov və digərləri suvarma suyu üçün subartezian quyusunun qazılması, kənd və qəbiristanlıq yolunun əsaslı təmiri, bələdiyyə fondundan icarəyə torpaq götürmək və şəxsi məsələlər barədə müraciət etdilər.

Qaldırılan məsələlər barədə rayon rəhbəri tərəfindən əlaqədar qurumlara aidiyyəti tapşırıqlar verildi.

Rayon icra hakimiyyətinin başçısı Müstəqim Məmmədov Tərtərin sosial-iqtisadi inkişafı, əhalini narahat edən problemlərin həlli istiqamətində həyata keçirilən tədbirlərdən də danışaraq, bildirdi ki, görülən işlər bundan sonra da davam etdiriləcək.

Kənd sakinləri əhalinin məişət şəraitinin yaxşılaşdırılması istiqamətində görülən işlərə, göstərilən diqqət və qayğıya görə ölkə rəhbərinə öz minnətdarlıqlarını bildirdilər.

Xeberleragentliyi.com
Adınız:
E-Mail:
  • winkwinkedsmileam
    belayfeelfellowlaughing
    lollovenorecourse
    requestsadtonguewassat
    cryingwhatbullyangry
Xəbər Lenti Giriş Populyar Reklam