160 minlik dələduzluq... » www.xeberleragentliyi.com
29/10/2010 | Əlaqə
» » 160 minlik dələduzluq...

160 minlik dələduzluq...

Müəllif: Gulnare
//
06 dekabr 2018
//
//

160 minlik dələduzluq...

Bu gün Bakı Ağır Cinayətlər Məhkəməsində külli miqdarda dələduzluq etməkdə təqsirləndirilən Qədir Sultanovun məhkəməsi başlayıb.

“Qafqazinfo”nun verdiyi xəbərə görə, hakim Əlövsət Abbasovun icraatında olan prosesdə hazırlıq iclası keçirilib.

İclasda təqsirləndirilən şəxsin anket məlumatları dəqiqləşdirilib, cinayət işi məhkəmə baxışına qəbul edilib. Proses dekabrın 13-də davam etdiriləcək.

Q.Sultanov zərərçəkmiş Xanımbacı İsmayılovaya 160 min manat pul “atmaq”da ittiham olunur.

X.İsmayılovanın qızı Həcər Quliyeva və nəvəsi Sahib Quliyev dələduzluqda ittiham edilib. H.Quliyeva 10 il 6 ay, oğlu Sahib isə 11 il müddətinə azadlıqdan məhrum edilib.

Onlardan şikayətçi olan şəxs isə elə öz qohumları olub. X.İsmayılovanın kürəkəni Rasim Salmanov bildirib ki, Sahib onun etibarından istifadə edərək 2,1 milyon manat pulu onun bank hesabından çıxararaq mənimsəyib. R.Salmanov “Bizim Market” şəbəkəsinin sahibidir. İstintaq zamanı S.Quliyev ona 263 min manat nağd pul ödəyib, 700 min manatlıq əmlak verib. Sahib istintaqa ilkin ifadəsində pulun 1 milyonunu nənəsi Xanımbacıya verdiyini deyib.

Qədir Sultanov isə bu prosesdən sonra ortaya çıxıb və X.İsmayılovaya söz verib ki, onun qızı Həcəri həbsdən çıxartdıracaq. Bu işdə ona Sahib Şükürov və Natiq Məmmədov adlı şəxslər də kömək edib. Q.Sultanovun birgə iş gördüyü Sahib Şükürov o zaman Xanımbacı İsmayılovdan bu iş üçün 800 min manat almaqda ittiham edilmişdi.

S.Şükürov bu ilin avqust ayında dələduzluğa görə 9 il 6 ay müddətinə azadlıqdan məhrum edilib. Həmin zaman məhkəmə prosesində Qədir Sultanov şahid kimi ifadə verib. Daha sonra o da cinayət işinə təqsirləndirilən şəxs qismində cəlb edilib. Natiq Məmmədov isə istintaqdan yayındığı üçün axtarışa verilib.
Xəbər Lenti Giriş Populyar Reklam