Güləşçilərimiz Moskvadan medalla qayıdırlar » XeberlerAgentliyi.com
29/10/2010 | Əlaqə
» » Güləşçilərimiz Moskvadan medalla qayıdırlar

Güləşçilərimiz Moskvadan medalla qayıdırlar

Müəllif: Gulnare
//
03 Aralık 2018
//
//

Güləşçilərimiz Moskvadan medalla qayıdırlar

Dekabrın 1-2-də Rusiyanın paytaxtı Moskvada sərbəst və yunan-Roma güləşi üzrə ikiqat olimpiya çempionu İvan Yarıginin xatirəsinə "Alrosa" Kuboku keçirilib.

Xeberleragentliyi.com goal.az-a istinadən xəbər verir ki, "Dinamo" İdman Sarayında təşkil olunan turnirdə olimpiya çəkilərində çıxış edən güləşçilərdən ibarət komandalar yarışıb.

Sərbəst güləşçilərin turnirində məşqçi Nazim Əlicanovun rəhbərliyi altında İslam Bazarqanov (57 kq), Ənvərbəy Dalqatov (65 kq), Hacımurad Ömərov (74 kq), Kənan Əliyev (86 kq), Roman Bəkirov (97 kq) və Rahid Həmidlidən (125 kq) ibarət komanda Gürcüstana qalib gəlib, Rusiya, İran və Özbəkistana uduzub. Bu nəticəylə yığmamız 4-cü yeri tutub.

Yunan-Roma güləşi üzrə millimizin heyətində Ramiz Məmmədov (60 kq), Kərim Cəfərov (67 kq), İslambek Dadov (77 kq), Rafiq Hüseynov (87 kq), Zamir Məhəmmədov (97 kq) və Türmən Eyyubov (130 kq) yer alıb. Məşqçilər Turac Hüseynli və Zöhrab Abbasovun tapşırıqlarını icra edən komandamız Rusiya və Özbəkistana məğlub olub, Gürcüstana isə qalib gəlib. Bu nəticəylə millimiz "Alrosa" Kubokunu bürünc medalla başa vurub.

Qeyd edək ki, görüşlərin idarə edilməsində ölkəmizi I dərəcəli beynəlxalq hakim Natiq Hacıyev təmsil edib.
Adınız:
E-Mail:
  • winkwinkedsmileam
    belayfeelfellowlaughing
    lollovenorecourse
    requestsadtonguewassat
    cryingwhatbullyangry
Xəbər Lenti Giriş Populyar Reklam