Rasim Ocaqov kino tariximizdə mərhələ yaradan sənətkar olub - Şeyx Əbdül Mahmudov » XeberlerAgentliyi.com
29/10/2010 | Əlaqə
» » Rasim Ocaqov kino tariximizdə mərhələ yaradan sənətkar olub - Şeyx Əbdül Mahmudov

Rasim Ocaqov kino tariximizdə mərhələ yaradan sənətkar olub - Şeyx Əbdül Mahmudov

Müəllif: Gulnare
//
26 Kasım 2018
//
//

Rasim Ocaqov kino tariximizdə mərhələ yaradan sənətkar olub - Şeyx Əbdül Mahmudov

Rasim Ocaqov Azərbaycan kinosunun 45-50 illik böyük bir mərhələsini yaradan sənətkar olub. O, Azərbaycan kino tarixində milli-mənəvi dəyərlərimizi yaşadan görkəmli şəxsiyyət idi. Təsadüfi deyil ki, onun bütün filmlərində etik normalar, əxlaq və mənəviyyat həmişə yüksək səviyyədə gözlənilirdi.

Xeberleragentliyi.com AZƏRTAC-a istinadən bildirir ki, bu fikirləri tanınmış rejissor Şeyx Əbdül Mahmudov görkəmli kino xadimi Rasim Ocaqovun 85 illiyi münasibətilə Şəkidə keçirilən yubiley tədbirində jurnalistlərə müsahibəsində söyləyib.

Rasim Ocaqovla bağlı xatirələrini bölüşən rejissor deyib: "Onun mənə etdiyi yaxşılığı ömür boyu unutmaram. Moskvada rejissorluq təhsili alıb Azərbaycana qayıtmışdım. O vaxtlar film çəkmək çox çətin idi. "Qaçaq Nəbi" filminin çəkilişlərinə başlayanda Rasim Ocaqov mənə yaxınlaşıb dedi: "Sənin filminin bədii rəhbəri özüm olacağam. Qorxma, arxanda dayanmışam". Yəni söhbət onun gənc kadrlara olan münasibətindən gedir. Filmin çəkilişləri zamanı Rasim Ocaqov yalnız iki-üç dəfə çəkiliş aparılan yerlərdə oldu. Film təhvil verən zaman yavaşca yaxınlaşıb mənə dedi ki, adını yaradıcı heyətin siyahısından çıxarım. Dedim ki, siz nə danışırsınız, adınızın orada olması mənim üçün böyük fəxrdir. Dedi ki, sən cavansan, başa düşmürsən. Elə biləcəklər ki, filmi mən çəkmişəm, sən isə elə-belə yalandan yanımda vaxt keçirmisən.

İndi bunu heç kim etməz. Rasim Ocaqovun böyüklüyü məhz bunda idi".
Adınız:
E-Mail:
  • winkwinkedsmileam
    belayfeelfellowlaughing
    lollovenorecourse
    requestsadtonguewassat
    cryingwhatbullyangry
Xəbər Lenti Giriş Populyar Reklam