“Milli Məclisin qarşısında aksiyaya imkan verilməyəcək” » www.xeberleragentliyi.com
29/10/2010 | Əlaqə
» » “Milli Məclisin qarşısında aksiyaya imkan verilməyəcək”

“Milli Məclisin qarşısında aksiyaya imkan verilməyəcək”

Müəllif: Anar
//
07 dekabr 2012
//
//

 “Milli Məclisin qarşısında aksiyaya imkan verilməyəcək”

Bakı polisi İctimai Palatanın Milli Məclisin qarşısında razılaşdırılmamış aksiya keçirməsinə imkan verməyəcək. Bu barədə APA-ya açıqlamasında Bakı Şəhər Baş Polis İdarəsinin rəis müavini, polis polkovniki Səhlab Bağırov bildirib.


S. Bağırov qeyd edib ki, paytaxtda Bakı Şəhər İcra Hakimiyyəti ilə razılaşdırılmamış aksiyaların keçirilməsi yolverilməzdir: “Biz lazımı tədbirlərimizi görəcəyik. Qəti şəkildə bildirirəm ki, kimlərsə paytaxtda ictimai qaydanı pozaraq razılaşdırılmamış aksiya keçirməyə cəhd edərsə, qarşısı alınacaq”.


Qeyd edək ki, İctimai Palata dekabrın 10-da saat 12.00-da Milli Məclisin qarşısında etiraz aksiyası keçirməyə hazırlaşır. Bakı Şəhər İcra Hakimiyyəti İctimai Palatanın müraciətinə mənfi cavab verib. İctimai Palata isə parlamentin qarşısında aksiya keçirməkdə israrlı olduqlarını bəyan edib.
Xəbər Lenti Giriş Populyar Reklam