Şamaxıda biçilmiş taxıl sahəsini yandırmaqda şübhəli bilinən iki yeniyetmə saxlanıldı » www.xeberleragentliyi.com
29/10/2010 | Əlaqə
» » Şamaxıda biçilmiş taxıl sahəsini yandırmaqda şübhəli bilinən iki yeniyetmə saxlanıldı

Şamaxıda biçilmiş taxıl sahəsini yandırmaqda şübhəli bilinən iki yeniyetmə saxlanıldı

Müəllif: Gulnare
//
10 avqust 2018
//
//

Şamaxıda biçilmiş taxıl sahəsini yandırmaqda şübhəli bilinən iki yeniyetmə saxlanıldı

Şamaxı rayonunun Çuxuryurd kəndi ərazisində 2 hektar biçilmiş taxıl sahəsində küləş yanıb. Yanğın söndürülüb, onun daha geniş ərazilərə yayılmasının qarşısı alınıb.

Daxili İşlər Nazirliyi mətbuat xidmətindən Milli.Az-a verilən məlumata görə, Şamaxı RPŞ əməkdaşlarının keçirdikləri əməliyyat tədbirləri nəticəsində hadisənin kənd sakinləri olan iki yeniyetmə tərəfindən törədilməsi müəyyən edilib və onlar saxlanılıb.

Qeyd edək ki, son günlər biçilmiş taxıl sahələrini və digər əkin sahələrini yandıran 15 nəfər inzibati həbs edilib, daha 17 nəfər barəsində isə digər inzibati cəza tədbirləri görülüb.

Ötən il İnzibati Xətalar Məcəlləsində edilmiş dəyişikliyə əsasən əkin sahələrinin yandırılmasına qarşı cəzalar sərtləşdirilib. Əkin yerlərinin yandırılmasına görə fiziki şəxsləri 400 manatdan 600 manata qədər, vəzifəli şəxsləri 1500 manatdan 2000 manata qədər, hüquqi şəxslər isə 5000 manatdan 6000 manata qədər cərimə cəzası gözləyir.
Xəbər Lenti Giriş Populyar Reklam