Bundan sonra ölkəyə gətirilən qida məhsulları risk əsaslı yoxlamadan keçiriləcək » www.xeberleragentliyi.com
29/10/2010 | Əlaqə
» » Bundan sonra ölkəyə gətirilən qida məhsulları risk əsaslı yoxlamadan keçiriləcək

Bundan sonra ölkəyə gətirilən qida məhsulları risk əsaslı yoxlamadan keçiriləcək

Müəllif: Gulnare
//
22 iyun 2018
//
//

Bundan sonra ölkəyə gətirilən qida məhsulları risk əsaslı yoxlamadan keçiriləcək


Emal olunmuş qida məhsulları ölkəyə gətirilərkən aparılan ekspertizanın nəticələrinə uyğun sertifikatlaşdırılacaq.

Bu barədə Milli.Az-a açıqlamasında Qida Təhlükəsizliyi Agentliyinin (AQTA) Kommunikasiya və informasiya texnologiyaları şöbəsinin müdiri Mansur Piriyev bildirib.



Onun sözlərinə görə, 1 iyul 2018-ci il tarixindən Azərbaycan Respublikasına idxal olunan qida məhsullarının hər partiyasının daşıdığı risk səviyyəsinə uyğun olaraq ekspertizaları aparılacaq və nəticəyə uyğun olaraq qida təhlükəsizliyi sertifikatı veriləcək.



Sertifikatın verilməsi qaydasına gəlincə, şöbə müdiri qeyd edib ki, sahibkarlardan sertifikatlaşdırılacaq məhsulun mənşə sənədi, alqı-satqı müqaviləsi, idxal ediləcək məhsula dair hesab-faktura (invoys) və idxal olunan məhsulun növündən asılı olaraq ixracatçı ölkənin səlahiyyətli dövlət qurumu tərəfindən verilmiş yeyinti məhsulunun təhlükəsizliyini təsdiq edən sənədlər tələb ediləcək.

"Burada əsas məqsəd idxal prosesində iştirak edən qida subyektlərinin fəaliyyətinin sağlamlaşdırılması, beynəlxalq standartlara uyğun keyfiyyətli məhsulların ölkəyə idxalının təmin olunması və beləliklə ölkəmizdə sağlam qida mühitinin inkişaf etdirilməsindir, " - deyə Agentlik rəsmisi əlavə edib.
Xəbər Lenti Giriş Populyar Reklam