ŞƏHƏR MƏKTƏBLİLƏRİ GƏNCƏ DÖVLƏT UNİVERSİTETİ İLƏ TANIŞ OLUBLAR » www.xeberleragentliyi.com
29/10/2010 | Əlaqə
» » ŞƏHƏR MƏKTƏBLİLƏRİ GƏNCƏ DÖVLƏT UNİVERSİTETİ İLƏ TANIŞ OLUBLAR

ŞƏHƏR MƏKTƏBLİLƏRİ GƏNCƏ DÖVLƏT UNİVERSİTETİ İLƏ TANIŞ OLUBLAR

Müəllif: Gulnare
//
16 may 2018
//
//

ŞƏHƏR MƏKTƏBLİLƏRİ GƏNCƏ DÖVLƏT UNİVERSİTETİ İLƏ TANIŞ OLUBLAR


Gəncə şəhər İsrafil Məmmədov adına 27 saylı fizika, riyaziyyat və informatika təmayüllü məktəb-liseyin yuxarı sinif şagirdləri və müəllim heyəti Gəncə Dövlət Universiteti ilə daha yaxından tanış olublar.

Xeberleragentliyi.com xeber verir ki, Əvvəlcə şagirdlərə universitetin şərəfli inkişaf tarixi və hazırki fəaliyyəti haqqında məlumat verilib.

Bildirilib ki, resbublikanın ali və orta təhsil müəssisələrini yüksək ixtisaslı pedaqoji kadrlarla təmin edən Gəncə Dövlət Universiteti ölkəmizin qərb regionunda fəaliyyət göstərən ən böyük ali təhsil müəssisəsidir. Bu il yaranmasının 80 illik yubileyini təntənə ilə qeyd edəcək Gəncə Dövlət Universitetində hazırda 8 fakültə, 1 əlavə təhsil fakültəsi fəaliyyət göstərir. Universitetdə təhsilin bütün pillələri üzrə pedaqoji istiqamətli kadrlar hazırlanır. Hazırda universitetdə işləyən 541 müəllim burada təhsil alan 6 min tələbənin peşəkar kadrlar kimi hazırlanmasında yaxından iştirak edir.

Qeyd edilib ki, böyük elmi potensiala malik universitetdə çalışan 16 elmlər doktoru, professor, 190 fəlsəfə doktoru, 144 dosent, həmçinin 1 nəfər AMEA-nın müxbir üzvü həm pedaqoji kadrların hazırlanmasında, həm də elmi tədqiqat işlərinin aparılmasında yüksək nəticələr almağa çalışırlar.

Məktəblilərə həmçinin universitetin ayrı-ayrı fakültələri, eləcə də buradakı ixtisasların karyera seçimində və əmək bazarındakı üstünlükləri geniş izah edilib

Sonra məktəblilər Beynəlxalq əlaqələr şöbəsini, İnnovasiya departamentini, Xalq Sənətkarlarının Yaradıcılıq Mərkəzini, eləcə də Biologiya – Kimya fakültəsinin auditoriya, laboratoriya və fənn kabinetlərini gəzib, buradakı tədris prosesini və elmi araşdırmaların istiqamətini yaxından müşahidə ediblər.

Universitet mühiti ilə tanışlığın ali məktəblərə hazırlaşan yuxarı sinif şagirdlərinin xtisas seçimində və gələcək karyera imkanlarının müəyyənləşdirilməsində böyük rol oynadığını deyən müəllimlər universitet-məktəb əlaqələrinin bundan sonra da davam etdirilməsinin vacib olduğunu qeyd ediblər.
Xəbər Lenti Giriş Populyar Reklam