“Dünyada İlham Əliyev kimi liderlərə böyük ehtiyac var” » XeberlerAgentliyi.com
29/10/2010 | Əlaqə
» » “Dünyada İlham Əliyev kimi liderlərə böyük ehtiyac var”

“Dünyada İlham Əliyev kimi liderlərə böyük ehtiyac var”

Müəllif: Anar
//
04 May 2017
//
//

“Dünyada İlham Əliyev kimi liderlərə böyük ehtiyac var”

Azərbaycan prezidenti İlham Əliyev BMT-nin Sivilizasiyalar Alyansı üzrə ali nümayəndəsi Nassir Abdulaziz Al-Nasseri qəbul edib.

APA-nın məlumatına görə, görüşdə Bakıda keçirilən IV Ümumdünya Mədəniyyətlərarası Dialoq Forumunun beynəlxalq əməkdaşlığın möhkəmləndirilməsi baxımından önəmi qeyd edilib.

Nassir Abdulaziz Al-Nasser BMT-nin Azərbaycan prezidentinin liderliyini yüksək qiymətləndirdiyini bildirib: “Bu liderlik özünü xüsusilə mədəniyyət, dinlərarası dialoqda və qarşılıqlı anlaşmada göstərir. Bu, çox önəmli məsələdir. Dünya çətin bir dövrü yaşayır. Biz digər ölkələrlə müqayisədə Azərbaycana baxanda, burada sizin rəhbərliyinizlə sabitliyin və təhlükəsizliyin yüksək səviyyədə təmin olunduğunu görürük. Dünyada sizin kimi liderlərə böyük ehtiyac var, biz bunu yüksək qiymətləndiririk”.

Dövlət başçısı xoş sözlərə görə minnətdarlığını bildirib. Prezident İlham Əliyev Nassir Abdulaziz Al-Nasserin dünyada sivilizasiyalararası dialoqun inkişafı və möhkəmləndirilməsi işinə böyük töhfə verdiyini vurğulayıb, ötən il Bakıda keçirilən BMT-nin Sivilizasiyalar Alyansının VII Qlobal Forumunun, həmçinin IV Ümumdünya Mədəniyyətlərarası Dialoq Forumunun təşkilində onun rolunu və verdiyi dəstəyi yüksək qiymətləndirib.

Prezident İlham Əliyev Azərbaycan ilə BMT arasında uğurlu əməkdaşlığın bundan sonra da davam etdiriləcəyinə əminliyini bildirib.
Adınız:
E-Mail:
  • winkwinkedsmileam
    belayfeelfellowlaughing
    lollovenorecourse
    requestsadtonguewassat
    cryingwhatbullyangry
Xəbər Lenti Giriş Populyar Reklam