Heydər Əliyev Mərkəzində tanınmış meksikalı heykəltəraş Xorxe Marinin sərgisi açılacaq » www.xeberleragentliyi.com
29/10/2010 | Əlaqə
» » Heydər Əliyev Mərkəzində tanınmış meksikalı heykəltəraş Xorxe Marinin sərgisi açılacaq

Heydər Əliyev Mərkəzində tanınmış meksikalı heykəltəraş Xorxe Marinin sərgisi açılacaq

Müəllif: Fatime_Movsum
//
25 oktyabr 2016
//
//

Mərkəzdən verilən məlumata görə, ekspozisiyada sənətkarın son illərdə yaratdığı monumental əsərlər nümayiş olunacaq. Bu, Xorxe Marinin Şərqi Avropa regionunda ilk sərgisidir.

"Varlığın canlanması” adlı sərgi bir-birindən fərqlənən üç hissədən ibarətdir: "İnsan cəmiyyətdə”, "İnsan kosmosda” və "İnsan bir cisim və şüur kimi”. Sərginin adı sənətkarın şəxsi inkişafını, "özü”nü parçalayıb və sonradan tamaşaçıların Xorxe Marinin Heydər Əliyev Mərkəzindəki bürünc heykəlləri ilə canlı ünsiyyəti nəticəsində yenidən yığılmasını əks etdirir.

53 yaşlı Xorxe Marin 25 ildən artıqdır ki, yaradıcılıqla məşğuldur. Uzun sürən axtarışlardan sonra o, özünüifadəetmə vasitələri arasında bürüncə üstünlük verib və beləliklə, bu material onun yaradıcılığının səciyyəvi elementinə cevrilib. Xorxe Marin kiçik fiqurlardan monumental heykəllərə qədər müxtəlif ölcülü əsərlər yaradır. Onun işləri istər Meksikada, istərsə də digər ölkələrdə müxtəlif ictimai yerlərdə nümayiş olunub.

Xorxe Marin 250-dən cox fərdi və birgə sərgilərdə iştirak edib. Onun əsərləri Fransa, İspaniya, Portuqaliya, Turkiyə, Almaniya, Belçika, Macarıstan, Rumıniya, Kosta Rika, Panama, El Salvador, Qvatemala, Kanada, ABŞ, İngiltərə, Rusiya, Danimarka, Latviya, Serbiya, Sinqapur, Çin, Honkonq və İndoneziyanın muzey və qalereyalarında sərgilənib.

Heydər Əliyev Mərkəzində açılan sərgi 2017-ci il martın 31-dək davam edəcək.

StephenHor 8 mart 2018 07:27
Lucrosa http://workle.website/3g

Xəbər Lenti Giriş Populyar Reklam