Həmsədrlər BƏYANAT yaydı: “Narahatlıq keçiririk” » XeberlerAgentliyi.com
29/10/2010 | Əlaqə
» » Həmsədrlər BƏYANAT yaydı: “Narahatlıq keçiririk”

Həmsədrlər BƏYANAT yaydı: “Narahatlıq keçiririk”

Müəllif: Anar
//
25 Eylül 2015
//
//

Həmsədrlər BƏYANAT yaydı: “Narahatlıq keçiririk”

"Tərəfləri bütün mümkün vasitələr daxilində mülki itkilərdən yayınmağa çağırırıq"

ATƏT-in Minsk qrupunun həmsədrləri İqor Popov (Rusiya), Ceyms Uorlik (ABŞ), Pyer Andryu (Fransa) və ATƏT-in fəaliyyətdə olan sədrinin şəxsi nümayəndəsi Anjey Kaspşik (Polşa) Ermənistan və Azərbaycan Silahlı Qüvvələrinin mülki şəxslərin yaşadıqları ərazilərdə və onların ətrafında minaatan və ağır silahlardan istifadə etməsi ilə bağlı ciddi narahatlıqlarını bildiriblər.

APA-nın məlumatına görə, bu barədə ATƏT-in Minsk qrupu həmsədrlərinin bəyanatında deyilir.

“Bu cür silahların istifadəsi münaqişənin qəbuledilməz eskalasiyasını göstərir. Biz həlak olanların ailələrinə dərin hüznlə başsağlığı verir və hər iki tərəfdən beynəlxalq səviyyədə tanınan sərhədlərdə və təmas xəttində itkilərin baş verməsindən dərin narahatlıq keçiririk.

Biz tərəfləri bütün mümkün vasitələr daxilində mülki itkilərdən yayınmağa çağırırıq.

Tərəflərin Cenevrə Konvensiyasına əsasən, mülki şəxslərin sağlamlıq və təhlükəsizliyini qorumaqla bağlı öhdəlikləri var. Bu insidentlərin Ermənistan və Azərbaycan xarici işlər nazirlərinin Nyu Yorkda razılaşdırılmış görüşü ərəfəsində baş verdiyinə görə təəssüf edirik.

Nazirlərin zorakılığın artması və danışıqlar prosesi ilə bağlı məsələlərdə ciddi müzakirələr aparacağını gözləyirik. Tərəflər bir-birini ittiham etdiyi üçün biz zorakılığın necə baş qaldırdığını müəyyən etməkdə çətinlik çəkirik. Tərəflər prezidentlər arasında müzakirə edildiyi kimi, ATƏT tədqiqat mexanizmi üzərinə çalışmalıdır”, - deyə bəyanatda qeyd olunur.

Bəyanatın sonunda ATƏT-in Minsk qrupunun gərginliyin azaldılması və davamlı sülh sazişinə nail olunması istiqamətində səyləri davam etdirəcəyi bildirilir.
Adınız:
E-Mail:
  • winkwinkedsmileam
    belayfeelfellowlaughing
    lollovenorecourse
    requestsadtonguewassat
    cryingwhatbullyangry
Xəbər Lenti Giriş Populyar Reklam