Baş Prokurorluq “Azadlıq” qəzetinə rəsmi xəbərdarlıq etdi » www.xeberleragentliyi.com
29/10/2012 | Əlaqə

» » Baş Prokurorluq “Azadlıq” qəzetinə rəsmi xəbərdarlıq etdi

Baş Prokurorluq “Azadlıq” qəzetinə rəsmi xəbərdarlıq etdi

Müəllif: Kürsüm
//
05 Şubat 2013
//
//

OXUNUB:191
Baş Prokurorluq “Azadlıq” qəzetinə rəsmi xəbərdarlıq etdi

Qəzetin növbəti sayında təkzib verilməsi tələb olunub

“Azadlıq” qəzetinin 5 fevral tarixli sayında “Şamaxı da etiraz mitinqinə hazırlaşır” başlıqlı məqalədə fevralın 20-də Şamaxı rayon İcra Hakimiyyətinin binasının qarşısında sosial problemlərin həll edilməməsi ilə bağlı mitinq keçiriləcəyi və bu barədə rəsmi müraciətin İcra Hakimiyyətinə təqdim olunduğu barədə məlumat verilib.

Baş Prokurorluğun mətbuat xidmətindən xeberleragentliyi.com-a verilən məlumata görə, Baş Prokurorluqda aparılmış araşdırma ilə müəyyən edilib ki, qəzetin redaksiyası tərəfindən obyektiv reallığa əsaslanmayan və “Natiq” adlı müəllifin qərəzli mövqeyini əks etdirən bu yazı ictimai rəyi çaşdırmağa, yalan məlumatları yaymaq yolu ilə bölgələrdə gərginlik şəraitini yaratmağa, son nəticədə isə ölkədə ictimai-siyasi sabitliyin pozulmasına yönəldilmiş qanunsuz hərəkətlərdir.

Araşdırmalarla müəyyənləşdirilib ki, qeyd edilən tarixdə Şamaxı şəhərində mitinq keçiriləcəyi barədə rayon İcra Hakimiyyətinə heç bir müraciət daxil olmayıb, etiraz mitinqinin keçirilməsinə hazırlıq getməsi barədə məlumat öz təsdiqini tapmayıb. Bunlarla əlaqədar “Azadlıq” qəzetinin baş redaktorunun vəzifəsini icra edən baş redaktorun birinci müavini Rahim Hacıyev Baş Prokurorluğa dəvət edilərək, “Prokurorluq haqqında” qanunun tələblərinə müvafiq olaraq rəhbəri olduğu qəzetdə Azərbaycan Respublikasında ictimai-siyasi sabitliyin pozulması, ictimai rəyi çaşdırmaq məqsədilə heç bir əsası olmayan yalan məlumatların gələcəkdə dərc olunacağı təqdirdə, barəsində inzibati və cinayət məsuliyyəti də daxil olmaqla, qanunvericilikdə nəzərdə tutulmuş daha ciddi məsuliyyət tədbirləri görüləcəyi barədə rəsmi xəbərdarlıq edilib. Habelə “Kütləvi informasiya vasitələri haqqında” qanunun tələblərinə görə, yalan və qərəzli yazıları yaymaq, böhtan atmaq, yaxud digər qanunazidd əməllər törətmək məqsədilə kütləvi informasiya vasitələrindən istifadə olunmasına yolverilməzliyi diqqətə çatdırılmaqla, qanununa müvafiq olaraq həqiqətə uyğun olmayan informasiya barədə qəzetin növbəti sayında təkzib verilməsi tələb olunub.
Adınız:
E-Mail:
Kalın İtalik Altı Çizili Üzeri Çizili | Sola Yasla Ortala Sağa Yasla | İfade Ekle Bağlantı EkleKorumalı Link Girin Renk Seç | Gizli Metin Alıntı Ekle Farklı Bir Alfabe ile Yazılmış Olan Seçili Metni Kiril Alfabesine Çevir Spoiler Ekle
Kodu daxil et:
Xəbər Lenti Giriş Populyar Reklam