Günün qoroskopu: çox yaxın bəzən necə uzaq olur » www.xeberleragentliyi.com
29/10/2012 | Əlaqə

» » Günün qoroskopu: çox yaxın bəzən necə uzaq olur

Günün qoroskopu: çox yaxın bəzən necə uzaq olur

Müəllif: Kürsüm
//
29 Ocak 2013
//
//

OXUNUB:267
Günün qoroskopu: çox yaxın bəzən necə uzaq olur

Qoç - iş çoxluğu və gərginlik ailədəki münasibətləri tarıma çəkə bilər. Başqalarının problemlərinin həlli ilə məşğul olaraq öz maraqlarınızı unutmayın.

Münaqişələrdən yan keçmək mümkün deyilsə, izafi səmimilik və qarşı tərəf üçün heç xoş olmayan dəyərləndirmələrə varmayın.
Kiminsə məziyyətlərini və ya mövqeyini dəyişməyə çalışmayaraq problemi həll etməyə səy göstərin.
Stress səviyyəsini azaldın.

Gərginlikdən qurtulmağa çalışın, maraqlı informasiya arayın.
Bu gün çoxsaylı tapıntı və ideyalar vaxtıdır. Həmin ideyaları vaxtı gələndə tətbiq edə bilərsiniz.

Buğa - bu günlə bağlı ciddi planlar qurmayın. Onlar pozula bilər. Gözləntilərin doğrulmaması, situasiyanın təxminlənməyən yöndə inkişafı istisna deyil. Emosiyalarınızı nəzarətdə saxlayın, mübahisəyə başlamayın, iş yoldaşlarınız və yaxınlarınıza irad tutmayın.

Diqqətli olun. Hər şey ilk baxışda göründyü təki sadə deyil. Yalan informasiyaya aldanmayın. Hansısa məqamı aydınlaşdırmaq istəyirsinizsə, sual verməkdən çəkinməyin.

Amma sualların sayı çox olmasın. Bu gün sual-cavab vaxtı deyil.
Gözləmədiyiniz yerdə və vaxtda xoş təəssürat yaşaya bilərsiniz.

Əkizlər - istənilən situasiyada "qızıl orta" prinsipinə riayət edin, heç nəyi ifrata çatdırmayın. Bu günü evə, ailəyə həsr edin.

Əks cins mənsubu sentimental, narahat, küsəyən olacaq. Eyni zamanda eqoizm və tələbkarlıq da nümayiş edilə bilər.
Bu gün nə barədəsə danışaraq razılığa gəlmək çətin olacaq. Lakin informasiya və xidmətlə qarşılıqlı mübadilə, birgə iş yaxşı nəticə verə bilər.

Aktiv fəaliyyəti təxirə salın.
Səhhətinizə, xarici görünüşünüzə fikir verin. Qohumlarla görüşmək pis olmaz.
Bilin ki, insanın daxili qüvvəsi başqasının musiqisinə sayğı bəsləmək, amma öz melodiyasına oynamaq və öz harmoniyasını dinləməsidir.

Xərçəng - həyatınızın məhz indi axarına düşdüyünü düşündüyünüz zaman yenidən stress və gərginlik peyda olur.

Çoxdankı hadisələrin izləri üzə çıxır, əks-sədası eşidilir. Amma o hadisələrdə artıq yeni şərtlər, oyun qaydaları və iştirakçılar var.

Baş verənlərə sizin üçün önəmli olan insanlarla münasibətlərdə daha sıx qarşılıqlı anlaşmaya nail olmaq vasitəsi kimi baxın.
Şəraitin sizi vadar etdiyi işlərlə məşğul olun.

Səhhətinizə diqqət yetirməyi unutmayın. Özünüzü yormayın. Yorğunluq hiss etsəniz, fasiləyə çıxın, bir qədər dincəlin.

Şir - hadisələr sürətlə inkişaf etsə də, baş verənlərə təsir imkanları sizdədir. Diqqətli olun - yaşananlar qəfil dəyişikliklərə səbəb ola bilər.
Alınan informasiya və gələn xəbərlər həyəcan yarada bilər. Görüş və söhbət isə nigaranlığa səbəb olacaq.

Hissiyatınıza güvənin. Belədə, yaxın ətrafınızdakı insanların davranış motivlərini ayrıd edərək kiməsə dəstək ola bilərsiniz.

Hadisələrin məğzini hiss etməyə səy göstərin. Emosional yük artır.
Ona görə də axşam saatlarında yaxşı dincəlin.

Qız - özünü karlığa vuran adam istədiyindən çox söz eşidər. Bu gün qarışıq, qarğaşalı, çətin gündür. Həddən artıq səy göstərmək işə ziyan vura bilər. Cari işlərin məcrasında qalın, amma qəflətən formalaşan şəraitə dərhal reaksiya verin.

Harada gərginlik yaranırsa, iddiaları dərhal geri çəkin, mübahisəni dayandırın.
Bu gün maşın sürmək məsləhət deyil, bir qədər piyada gəzin. Görüş, dostlarla bir araya gəlməyi təxirə salın.

Yaxın ətrafınızdakı insanlarla münasibətlər gərilə bilər. İstənilən halda unutmayın ki, hər şeyi yoluna qoymaq olar.
Nə qədər tez alınarsa, bir o qədər yaxşıdır.

Tərəzi - günü intizamlı keçirməyə, başlanan işləri başa vurmağa çalışın. Ətrafınızdakı insanlarla münasibətlərdə müəyyən ağırlığa, hadisələrin gedişatından narazılığa rəğmən bu gün nəyisə müsbət istiqamətə dəyişmək imkanlarınız var.

Bu günün maraqlarını ön plana çəkməyin, sonrakı perspektivi düşünün. Danışıqlar aparın, müzakirələrə qatılın, yazışın, faydalı ola biləcək detalları diqqətdən kənarda saxlamayın.

Rəhbərliklə danışmaq mənasızdır. Bu gün rəhbərlikdən nə isə istəmək günü deyil, ümidləriniz doğrulmaya bilər.

Ünsiyyət, informasiya əldə olunması, şəxsi həyatdakı problemin çözülməsi üçün əlverişli gündür. Tərəfdaş münasibətləri çərçivəsində qarşılıqlı təmasları razılaşdırmaq və təhlil etmək olar.
Səfəri təxirə salın.

Əqrəb - təbii, məntiqli şəkildə diqqətli olun, xırdalıqları nəzərdən yayındırmayın. Daha çox iş görmək, ciddi və önəmli danışıqlar aparmaq olar. Nəticəni formal olsa da, qeydə alın.
Hadisələrin sizə sərfəli istiqamətdə spontan inkişafını gözləməyə dəyər.

Kiçik qəlb yaraları emosiya burulğanına, tərəfdaşınızın kiçik səhvi çılğın reaksiyaya səbəb ola bilər.

Aktiv fəaliyyətə daxili tələbata nəzarət edin. Durum istədiyiniz kimi olmasa, qapını çırpıb getməyin. İndi həssas duymaq qabiliyyəti və şəraitin ayıq dəyərləndirilməsinə ehtiyacınız var.
Mümkün qədər çox informasiya əldə etməyə çalışın, təmaslarınızı məhdudlaşdırmayın.

Oxatan - baş verənlərlə bağlı səthi, tələsik təəssüratlara əsaslanaraq fikir yürütməyin. Aldığınız siqnallara, mesajlara fikir verin. İnformasiya və təmaslarla zəngin gün olacaq.

Mühüm mövzunu başa vuraraq yeni orientirləri müəyyənləşdirməyə başlayın.
Tərəfdaş və ya iş yoldaşı ilə fikir ayrılıqları stress yarada bilər. İfrat ambisiyalar, yaşanan situasiyada qəflətən sürətlənmə, təşəbbüs ya əlavə problemlər yaradacaq, ya da təmkinli davranış olarsa, mövcud durum narazılıq və narahatlıq yaradan problemlərdən konstruktiv çıxış yoluna səbəb ola bilər.

Unutmayın: başqasının pul kisəsi tapılanda o, adətən boş, öz pul kisənizi itirəndə isə dolu olur.

Oğlaq - mübahisələrə və perspektivdə layihələrin gərgin təhlilinə çox enerji sərf etməyin. Qayda və nizama təcili ehtiyac duyulan məkana müdaxilə edin.

Təəssürat, tələb, sorğu və ya dəvətlər sizi usandıra bilər. Arzu və istəklərinizi idarə edin, istəklərin sizi idarə etməsinə yol verməyin.
Dəqiq olun. Qeyri-dəqiqlik dəyərli münasibəti korlaya bilər.

İdeya və təkliflər təcili reaksiya tələb edir.
Təfərrüatlarla, xırdalıqları sonra yoluna qoymaq olar.

Dolça - ağ saç sizi narahat edir? Təlaşa qapılmayın, əsas odur ki, ürək qocalmasın. Bu gün arzu etmək yox, iş görmək vaxtıdır.

Əks təqdirdə maraqlarınızı təmin etmək şansınızı əldən verə bilərsiniz. İllüziyaların indi xoşagəlməz perspektivləri var.

Qərar qəbul edərkən kimsə ilə məsləhətləşməyin.

İşdə çətinliklər yarana bilər.
Diqqət tələb olunur, çünki daha çox iş və rəhbərliklə ciddi söhbət sizi gözləyir.

Bəzi yenilikləri yalnız intizam və təmkin hesabına reallaşdırmaq mümkün olacaq.

Hadisələrin sizə sərf edən istiqamətdə inkişafını gözləmək, spontan olaylara güvənmək olar. Fəqət bunun üçün görüləcək iş yoldaşlar və tərəfdaşlarla bölüşdürülməli, fikir ayrılıqları aradan qaldırılmalı, səylər sinxronlaşdırılmalıdır.

Balıqlar - gözlənilməz hadisələrin sizə qəfil təsir etməsinə imkan verməyin. Qadına sirr etibar etməyin. Doğrudur, qadınlar da sirr saxlaya bilirlər. Amma onlar sirr saxladıqları barədə susa bilmirlər.

Baş verən hadisələrə hazır olduğunuzu heç olmasa, zahirən göstərin.
Əminlik və qətiyyətiniz yaxın ətrafınızdakı insanlara xoş təsir edəcək. Hər şeyi ideal qaydada başa vurmağa çalışmayın, amma bir işi mütləq bitirin.
İş prosesinin özündən həzz ala bilərsiniz.

Axşam saatlarından istirahət, internetdə "dolaşmaq", uzaqdakı tanışlarla əlaqələri bərpa etmək üçün yararlanın.
Köhnə filmə baxmaq olar.
Adınız:
E-Mail:
Kalın İtalik Altı Çizili Üzeri Çizili | Sola Yasla Ortala Sağa Yasla | İfade Ekle Bağlantı EkleKorumalı Link Girin Renk Seç | Gizli Metin Alıntı Ekle Farklı Bir Alfabe ile Yazılmış Olan Seçili Metni Kiril Alfabesine Çevir Spoiler Ekle
Kodu daxil et:
Xəbər Lenti Giriş Populyar Reklam