İsmayıllıda dövlət strukturlarının rəhbərlərinin növbəti reydi baş tutub. İctimaiyyətin koronavirusla əlaqədar məsuliyyətinin manitorinqi icra hakimiyyətinin başçısı, prokuror, Daxili İşlər Nazirliyi və Dövlət Təhlükəsizliyi Xidmətinə məxsus şöbələrin rəhbərləri tərəfindən həyata keçirilib.

Reyd İsmayıllı şəhərinin mərkəzi küçələrini, bazar ərazisini və ictimai nəqliyyatı əhatə edib.

Məqsəd pandemiyanın rayonda alovlanması təhlükəsinə qarşı tədbirlərin tətbiqinə nail olmaqdır.

Reyd zamanı 60 iaşə obyektinə baxış keçirilib, onlardan 6-sının sahibinə karantin qaydalarını pozduğuna görə xəbərdarlıq edilib. Vətəndaşlara tibbi maskalardan istifadə və sosial məsafənin qorunması bir daha tövsiyyə olunub. Reyddə şəhər icra nümayəndə və bələdiyyəsinin əməkdaşları da iştirak edib.

#Azərbaycan #Azerbaycan #NazirlərKabineti #reyd #ismayilli #İsmayıllı #icra #RİH #QidaTəhlükəsizliyiAgentliyi #Polis #OperativQərargah