Nəqliyyat Nazirliyi 2015-ci ilədək Bakıda mövcud nəqliyyat problemlərini aradan qaldırmaq niyyətindədir » www.xeberleragentliyi.com
29/10/2010 | Əlaqə
» » Nəqliyyat Nazirliyi 2015-ci ilədək Bakıda mövcud nəqliyyat problemlərini aradan qaldırmaq niyyətindədir

Nəqliyyat Nazirliyi 2015-ci ilədək Bakıda mövcud nəqliyyat problemlərini aradan qaldırmaq niyyətindədir

Müəllif: Kürsüm
//
17 yanvar 2013
//
//

Nəqliyyat Nazirliyi 2015-ci ilədək Bakıda mövcud nəqliyyat problemlərini aradan qaldırmaq niyyətindədir
Azərbaycan Nəqliyyat Nazirliyində Bakı şəhərində mövcud nəqliyyat problemlərinin aradan qaldırılması üzrə 2013-2015-ci illər üçün Tədbirlər Planının müzakirəsi keçirilib.
Trend nazirliyin rəsmi saytına istinadən məlumat verir ki, nəqliyyat nazirinin müavini Musa Pənahovun rəhbərliyi ilə keçirilən müzakirələrdə Nəqliyyat Nazirliyinə tabe olan qurumların nümayəndələri də iştirak edib.
Qeyd edək ki, Tədbirlər Planında yol hərəkətinin təhlükəsizliyinin gücləndirilməsi və hərəkət intensivliyinin artırılması üzrə çoxzolaqlı yollarda eyni səviyyəli piyada keçidlərinin ləğv edilərək yeraltı və yerüstü piyada keçidlərinin inşası, yol nəqliyyat hadisələri ilə əlaqədar DYP ilə operativ əlaqə yaradılması, həmçinin svetofor obyektlərinin daimi işlək vəziyyətini təmin etmək üçün "qaynar xətt" əlaqə mərkəzinin yaradılması, Bakı şəhərinin küçə və prospektlərinin icazə olmadan bağlanması hallarının qarşısının alınması və s. məsələlər öz əksini tapıb.
Bundan başqa, parklanmanın təşkili üzrə müəyyən tədbirlərin həyata keçirilməsi, o cümlədən Bakı şəhərində parklamaya nəzarət xidmətinin yaradılması, yol kənarında yerləşən iri ticarət, ictimai iaşə və sosial obyektlərə gələn nəqliyyat vasitələri üçün parklanma yerlərinin müəyyən olunması və tikilməsi, habelə müvafiq normativlərə uyğun olaraq parklanma yerləri olmayan yeni iri obyektlərin tikintisinin qadağan olunması kimi məsələlər də vurğulanıb.
Tədbirlər Planında ictimai nəqliyyat üzrə, həmçinin Bakı şəhərində mövcud avtomobil yollarının yenidən qurulması, yeni avtomobil yollarının tikintisi üzrə də müddəalar qeyd edilib.
Müzakirələrdə "Azərbaycan Dəmir Yolları" QSC-nin, Dövlət Avtomobil Nəqliyyatı Xidmətinin, "Azəryolservis" ASC-nin rəhbərliyi də iştirak edib.
Xəbər Lenti Giriş Populyar Reklam