8 Mart – Beynəlxalq Qadınlar Günü münasibətilə İsmayıllı Rayon İcra Hakimiyyətinin başçısı Nahid Bağırovun İsmayıllı qadınlarına təbriki

Hörmətli xanımlar, analar, bacılar!
Sizi 8 Mart Beynəlxalq Qadınlar günü münasibəti ilə öz adımdan və yeni rəhbər təyin olunduğum İsmayıllı Rayon İcra Hakimiyyəti başçısının aparatı adından səmimi qəlbdən təbrik edir, hamınıza can sağlığı, səadət və uğurlar arzulayıram. Ölkə Prezidenti cənab İlham Əliyevin apardığı uğurlu siyasətin nəticəsi, bütün sahələrdə, eyni zamanda qadın siyasəti nəticəsində də qazandığı uğurlar göz qabağındadır. Artıq Azərbaycan dünya siyasi arenasında söz sahibi olan bir ölkədir. Təbii ki, ölkəmizin bu uğurlarında Azərbaycan qadınlarının, eləcədə Siz, İsmayıllı xanımlarının öz xüsusi rolu var. Əminəm ki, bundan sonra da Azərbaycanımızın, Azərbaycanın mirvarisi İsmayıllımızın daha da inkişaf etməsi və çiçəklənməsi üçün Cənab Prezident İlham Əliyevin ətrafında sıx birləşərək ölkəmizi daha da inkişaf etdirəcəyik.

Bir daha bayramınız mübarək olsun!