Sizin reklam burada
Sizin reklam burada

Paşinyan torpaqları qaytarmağa hazırlaşır? - “Azərbaycan bu danışıqlardan imtina edərdi, əgər...”

Paşinyan torpaqları qaytarmağa hazırlaşır? - “Azərbaycan bu danışıqlardan imtina edərdi, əgər...”

Ermənistanın keçmiş Milli Təhlükəsizlik Xidmətinin rəhbəri David Şahnazaryan “Qarabağ dəyişikliklər astanasında.

Xarici və daxili təhlükəsizlik” mövzusunda keçirilən tədbirdə çıxış edib. D.Şahnazaryan çıxışında bildirib ki, Qarabağ münaqişəsinə dair danışıqlarda ərazilərin geri qaytarılması ilk günlərdən müzakirə olunur:

“Əks halda, belə məsələ müzakirə olunmasaydı, Azərbaycan danışıqlar masasına da oturmazdı”.

O, həmçinin əlavə edib ki, Bakı Cenevrədə ötən həftə aparılan iki günlük danışıqlardan və Bratislava danışıqlarından “məmnundur”.

Şahnazaryanın Dağlıq Qarabağla bağlı mövqeyi isə ondan ibarətdir ki, indiki Ermənistan hökuməti ətraf rayonların heç birinin qaytarılmayacağı haqda mesajlar versə də, Paşinyan “torpaqları satmağa” hazırlaşır.

“Atlas” Araşdırmalar Mərkəzinin rəhbəri, politoloq Elxan Şahinoğlu Cebhe.info-ya açıqlamasında Şahnazaryanın mövqeyində haqlı olduğunu deyib:

“Milli Təhlükəsizlik Xidmətinin keçmiş nazirini mən də yaxşı tanıyıram. Jurnalist işlədiyim müddətdə müxtəlif konfranslarda onu müşahidə etmişəm və bu qənaətə gəlmişəm ki, o, Azərbaycanla hansısa formada razılaşmağın tərəfdarıdır. Çünki Levon Ter-Petrosyan dönəmində də çalışıb. Hesab edirəm, o, masa üzərində mərhələli həll planı olması məsələsində haqlıdır. Təsadüfi deyil ki, bu yaxınlarda Paşinyan Ermənistanın keçmiş hakimiyyətləri ilə Azərbaycanın rayonlarının qaytarılması ilə bağlı fikir mübadiləsi aparıldığını açıqlayıb. Bu, bir tərəfdən o anlama gəlir ki, Paşinyan guya “Qarabağ klanı”nın mövqelərini zəiflədir və onların torpaqları satmaq istədiyini deyir. Amma digər tərəfdən də Paşinyan işarə edir ki, masa üzərində mərhələli həll planı var. Buna görə də David Şahnazaryan haqlıdır. Əlbəttə, paket həll planı masada olsaydı, Azərbaycan bu danışıqlardan imtina edərdi. Amma danışıqlarda mərhələli həll planını ehtiva edən amillər olduğuna görə Azərbaycan danışıqlarda iştirak edir”.

  • Sosial şəbəkədə paylaş
XƏBƏR LENTİ