ABŞ Prezidenti Donald Trampın Floridada yerləşən iqamətgahı yaxınlığında əlind bıçaq və külüng olan İran vətəndaşı Məsud Ereyzoleh saxlanılıb.
"Qafqazinfo” xəbər verir ki, bu barədə "Washington Examiner” portalı Palm- Biç Polis idarəsinin məmuru Maykl Ogrodnikə istinadən məlumat yayıb.
Yoxlama zamanı onun üzərində 22 min dollar və İran vətəndaşı olduğunu təsdiq edən pasport olub. Bundan əlavə, Ereyzolehin qanunsuz şəkildə ABŞ-da olduğu dəqiqləşdirilib.
Polis hazırda tutulan şəxsin məqsədini müəyyənləşdirmək üçün araşdırma aparır.
Hadisə baş verən zaman ABŞ Prezidenti Vaşinqtonda, Ağ Evdə olub.