Prezidentin yeni təyin etdiyi icra başçıları kimlərdir? - DOSYE » XeberlerAgentliyi.com
29/10/2010 | Əlaqə
» » Prezidentin yeni təyin etdiyi icra başçıları kimlərdir? - DOSYE

Prezidentin yeni təyin etdiyi icra başçıları kimlərdir? - DOSYE

Müəllif: cavidan
//
31 Ekim 2019
//
//

Prezidentin yeni təyin etdiyi icra başçıları kimlərdir? - DOSYEXəbər verdiyimiz kimi, Prezident İlham Əliyevin imzaladığı sərəncamlarla Elnur Şahbaz oğlu Rzayev Xaçmaz Rayon İcra Hakimiyyətinin başçısı, Yevlax Şəhər İcra Hakimiyyətinin başçısı isə Anar Aqil oğlu Tağıyev təyin edilib.
Lent.az yeni icra başçılarının dosyelərini təqdim edir.
Elnur Rzayev 1980-ci ildə Qərbi Azərbaycanın Aşağı Şorca kəndində anadan olub. 1996-2000-ci illərdə Azərbaycan Dövlət İqtisad Universitetində “Biznes üzrə menecment” ixtisası üzrə bakalavr, 2000-2002-ci illərdə həmin Universitetdə “İstehsal sistemlərinin idarəedilməsi” ixtisası üzrə magistr, 2010-2013-cü illərdə Azərbaycan Respublikasının Prezidenti Yanında Dövlət İdarəçilik Akademiyasında “Dövlət və Bələdiyyə idarəetməsi” ixtisası üzrə təhsil alıb.
2004-2009-cu illərdə DSMF-nun Gəncə şəhər Nizami rayon şöbəsində məsləhətçi, 2009-2013-cü illərdə Daşkəsən rayon Əhalinin Sosial Müdafiəsi Mərkəzinin direktoru olub. 2013-2015-ci illər ərzində Gəncə Asan Xidmət mərkəzinin direktoru vəzifəsində işləyib. 3 dekabr 2015-ci il tarixində isə Gəncə Şəhər İcra Hakimiyyətinin başçısının I müavini vəzifəsinə təyin edilib və bir müddət Gəncənin icra başçısı olmuş Elmar Vəliyevi əvəz edib.
Ailəlidir. 3 övladı var.
Anar Tağıyev isə 25 mart 1981-ci ildə Bakı şəhərində anadan olub. 1997-ci ildə Bakı şəhəri 1 saylı orta məktəbini, 2001-ci ildə Bakı Dövlət Universitetini, 2005-ci ildə isə Moskva Dövlət Vilayət Universitetini bitirib.
Təhsil aldığı müddətdə 1999-cu ildən 2002-ci ilədək “Eurostyle” şirkətində ümumi işlər üzrə hüquqşünas, 2006-cı ildə H.Əliyev adına Bakı Dərin Özüllər zavodunun Birgə layihələr şöbəsində mühəndis vəzifəsində çalışıb.
2006-2008-ci illərdə Azərbaycan Respublikası Gənclər və İdman Nazirliyinin Gənclərlə iş şöbəsinin Gənclər Təşkilatları ilə iş sektorunda məsləhətçi vəzifəsində işləyib. 2008-2010-cu illərdə Nəsimi rayon İcra Hakimiyyətinin “İctimai təşkilatlar və siyasi partiyalarla iş” şöbəsinin, 2010-2011-ci ilədək isə “Ərazi idarəetmə və yerli özünü idraəetmə oraqanları ilə iş” şöbəsinin müdiri vəzifələrinə təyin olunub. 2011-ci ildən bugünədək isə Nəsimi Rayon İcra Hakimiyyəti başçısının müavini vəzifəsini icra edib.
Adınız:
E-Mail:
  • winkwinkedsmileam
    belayfeelfellowlaughing
    lollovenorecourse
    requestsadtonguewassat
    cryingwhatbullyangry
Xəbər Lenti Giriş Populyar Reklam
15 yaşlı APA... Dün, 10:5515 yaşlı APA...