Belarus və Aİ payızda viza rejiminin sadələşdirilməsi üzrə saziş imzalaya bilər » XeberlerAgentliyi.com
29/10/2010 | Əlaqə
» » Belarus və Aİ payızda viza rejiminin sadələşdirilməsi üzrə saziş imzalaya bilər

Belarus və Aİ payızda viza rejiminin sadələşdirilməsi üzrə saziş imzalaya bilər

Müəllif: cavidan
//
05 Ağustos 2019
//
//

Belarus və Aİ payızda viza rejiminin sadələşdirilməsi üzrə saziş imzalaya bilər

Belarus və Avropa İttifaqı (Aİ) bu ilin payızında viza rejiminin sadələşdirilməsi üzrə saziş imzalaya bilər.

APA-nın xəbərinə görə, bu barədə Avropa İttifaqının Belarusdakı Nümayəndəliyinin rəhbəri Andrea Viktorin "BelaPAN” agentliyinə müsahibəsində deyib.

"Sazişin mətni üzrə bütün danışıqları iyun ayında yekunlaşdırmışıq. Hazırda sənəd dövlətdaxili prosedurlardan keçir. Belarusun Xarici İşlər naziri ilə görüşdə biz payızda sazişi imzalayacağımız haqda danışdıq. Sazişin imzalanacağı dəqiq tarix hələ müəyyənləşməyib. Lakin mən tam əminəm ki, biz bu sənədi imzalayacağıq”, - A. Viktorin qeyd edib.

Onun sözlərinə görə, sazişin imzalanması ilə əlaqədar Avropa İttifaqının xarici siyasət və təhlükəsizlik məsələləri üzrə ali nümayəndəsi Federika Moqerininin Minskə gəlməsi planlaşdırılır: "Bu ehtimal nəzərdən keçirilir, tarixlər müzakirə edilir”.

A. Viktorin bildirib ki, müəyyən fikir ayrılıqlarına baxmayaraq, son illərdə Belarus və Aİ arasında davamlı dialoq qurulub, real irəliləyiş müşahidə edilir.
Xəbər Lenti Giriş Populyar Reklam